【12月號】Editor’s Pick

絕無老點!來自SoChipz編輯部5位Chipz精嘅親身試用,即刻追蹤一吓Chipz精sssss 12月有乜真心推介啦!

去日本必掃抵買Disney妝物!

12358317_10153088396986396_1763057893_n

Disney公主香水噴霧(Cinderella Cristal Soap)550円(約HK$35)

去日本大家都會掃下藥妝店,而咁多樣嘢Chipz精我就最建議大家留意下Disney系列,每次去日本都會發現迪迪尼新妝物,得日本至有得買,而且仲要抵到爛,又有得退稅啵!就算唔係Disney fans,買嚟做手信都好,因為身邊總會有個係忠實粉絲。而早前Chipz精我就去左大阪,買左呢支公主香水噴霧!完全係大愛!平就不在下話,最鐘意佢陣淡香水味,似帶甜味的沐浴露味,聞上去非常舒服,仲有放鬆嘅感覺,唔似得似香精味嘅攻鼻香水。一句講晒:抵買!

評分:★★★★★

試用時間: 1星期

√  味道淡淡地,唔會太刺激,細細支帶出街都好方便。

×  揮發得比較快,維持到半日左右。


眼線口碑牌新作!

Heroine Make 柔滑眼線膠筆 $69

Heroine Make 柔滑眼線膠筆 $69

天生眼部非常易出油兼內雙眼皮,平時用其他品牌的眼線膠筆,會嚴重易脫妝,所以向來比較愛用眼線液,不過真的較難handle!最近發現這全新推出的眼線膠筆,出自眼線product口碑牌,所以膽粗粗一試!質地柔滑,一畫就出色,夠濃黑,拍得住眼線液咁實色;筆尖僅2mm,手殘的我都輕易拉出纖細的上揚眼尾,而且可緊貼皮膚,睫毛間之空隙亦很易填到;防水、防汗、防油,keep足全日,都冇甩色!

評分:★★★★★

試用時間: 2星期

√  $70有找,抵買!性價比高!

×  只得黑色一款選擇。


龜裂紋bye bye!超潤急救修護霜

曼秀雷敦腳跟修護霜(限量裝送矽膠護跟襪) $119/90g

曼秀雷敦腳跟修護霜(限量裝送矽膠護跟襪) $119/90g

女人真係一樣矛盾嘅生物,哩頭先呻完點解咁耐都未凍架!?轉個頭天氣真係凍喇,又話:咁凍皮膚勁乾丫救命!Chipz精我都真係你哋猜唔透,齋嗌又有咩用丫,搽嘢啦!

最近平平地,試咗曼秀雷敦新出嘅腳跟修護霜,以為佢淨係搽腳跟?咁你就太膚淺喇!其實佢仲可以搽手肘、膝頭等平時角質比較厚嘅位置,滋潤皮膚之餘,仲可以做到軟化角質同淡化色素。其實Chipz精我因為對腳身體其他部位乾,所以每次都會成隻腳咁搽,白色乳霜狀,搽完會覺得對腳有一層薄膜,等到第二朝吸收晒之後,感覺滋潤得嚟又唔笠,幾有驚喜喎!

評分:★★★★★

試用時間: 2星期

√ 用了2星期,除了可對抗乾燥,腳板同手肘位置亦有所改善,變得更細嫩;矽膠護跟襪真的可以令滋潤效果加倍。

×  只要是晚上用,都會堅持敷上厚厚的一層,用量較大,已用去了一半份量。


小朋友都識畫!蠟筆狀眉筆

FullSizeRender

Lush深棕眉筆 $95

Chipz精我其實係懶虫,有時真係攰到連妝都唔想化就起身番工,但奈何眉毛有限,廢事冇眉成隻鬼咁嚇親人,唯有死死地氣去化番個妝。眉毛Item一向都係我最留意嘅產品,好似近日係中環開咗5層高Spa嘅Lush咁,除左有大中華區第一間Spa之外,仲有好多本來係英國總店先買到嘅化妝產品。好似呢支同蠟筆一樣嘅眉筆,當然第一時間就得到我嘅注目啦!唔好睇佢個樣好似好蠢好頓咁,其實佢都算上色,而且易控制,最近要成分天然,唔會影響到我僅存嘅幾條眉毛嘛!

評分:★★★★

試用時間: 1星期

√ 眉色自然易控制,Chipz精我平日多數化自然妝容,畫兩下就可以出街!

×  眉筆的顯色度不算高,想顯眼就要多畫幾下。


冬天補濕靠晒佢!水潤面膜好好用!

PhotoGrid_1450287078116

Color Combos 保濕面膜 $79(一盒8片)

救命呀!自從人老了,皮膚真係慢慢變差,尤其一到天氣轉就出事!好似今次轉凍,塊面勁乾又即刻爆咗幾粒頑強惡瘡,真係慘慘地⋯⋯好彩收到新面膜,即試!這款全新的玉米纖維面膜,聲稱可促進皮膚收緊,用過堅係有料到;呢款主攻補濕,敷後夠水潤,皮膚滑咗又有光澤,連暗瘡都幾粒咗少少,第二日返工個個同事都話個樣精神咗,而且乾紋消失,有驚喜!估唔到敷一塊已經有效果,一盒有成八塊,決定日日敷,今個冬天靠晒佢!

評分:★★★★★

試用時間: 1星期

√ 含橘子成分,仲可以令膚色紅潤粉嫩,正呀喂!

×  面膜偏細塊,男人用就有點勉強。

 


Color Combos 各大莎莎 2505 5023

Heroine Make 莎莎、卓悅、卡萊美、雅施、天使、LOG-ON等 2277 9090

曼秀雷敦 各大萬寧 2699 0078

Lush 2723 4282

Share on FacebookPin on PinterestShare on Google+Tweet about this on Twitter

Leave a comment

Your email address will not be published.


*