仲送99支玫瑰?冰淇淋花束先係皇道!

好多男仔都以為女仔好鍾意收到超大束鮮花,仲要愈大束就愈好?喂喂!其實我哋班女仔事後講嗰句「唔洗咁徙錢啦!」,真心唔係口不對心嘅客套說話嚟㗎!(大佬,送粒鑽石就話愈大愈好啫!)女仔收花,好多時只係得開心咗當下嗰個嗰3.3333333秒,第3.3333334秒已經諗緊:「咁大束花要拎成晚,其實好重好麻煩,叫返你拎,又唔好意思!」(Ok……我認!第一次收花例外,嗰陣係會開心成晚嘅!不過起身第二朝就……umm…….)返到屋計之後就會煩惱唔知點安置,花期始終有限,喺屋企擺2日掉又唔係,keep又唔係!

1439382633-688561314

喺IG發現,韓國最近流行一種有「冰淇淋花束」之稱,以乾花製成嘅mini版花束!最初係由花店LEEBOM FLOWER帶領呢個潮流!(我諗花店嘅店主咁知我哋心意,睇怕應該係女仔啦!)一般都只係掌心size,最盡都只係一杯雪糕新地咁大,真係好cute cute,又㩒擺,返工擺喺枱頭一對夜對都唔阻訂!


醒目嘅你,趁「冰淇淋花束」仲未喺香港hit到爛,好快啲送返束俾女朋友/女神啦!(不過首先你要有一個女朋友 / 肯收你花嘅女神……)唔知香港邊度有得買?其實自己整咪仲sweet,仲有heart!!!咁細束,都唔會太難整吧!


 

photo courtesy:LEEBOM FLOWER’s IG、互聯網

Share on FacebookPin on PinterestShare on Google+Tweet about this on Twitter